Главная » 2009 » Февраль » 25 » РУСЛАН И ЛЮДМИЛА: Александр Сергеевич Пушкин Нырысетӥ кырӟан
13:43
РУСЛАН И ЛЮДМИЛА: Александр Сергеевич Пушкин Нырысетӥ кырӟан
Александр Сергеевич Пушкин

РУСЛАН И ЛЮДМИЛА
Песнь первая. Перевод Игнатия Гаврилова

Опубликовано: Ермаков Ф.К. Межпредметные связи русской и удмуртской литератур. Пособие для учителей-словесников. Ижевск, Издательство Удмуртского ИУУ, 1992, с.94.

РУСЛАН НО ЛЮДМИЛА
Нырысетӥ кырӟан

Тыпы будэ зарезь дурын,
Бордаз зарни жильы солэн.
Визьмо коӵыш ялан отын
Жильы вылтӥ жильыр ветлэ.
Бурлань мынэ – кырӟан кутске,
Оглань – маде со выжыкыл.
Паймод: отын моко калге,
Улвай вылын пуке вуныл;
Чик тодмотэм сюрес вылын
Чик адӟылымтэ сьӧсь пытьыос;
Укноостэк, ӧстэк отын
Курег пыдо корка – кенос,
Отын тэльёс но портмасько;
Ӟардон вакыт нош пальккисько
Кӧс ярдуре ву тулкымъёс,
Вуысь куамын сэзь батыръёс
Пото огзы бӧрсьы огзы.
Кивалтӥсьсы нош — агайзы;

Лек эксэез нош эксэй пи
Синмаськытэ шудэм сямен,
Калык азьын пилем пӧлтӥ
Тэльёс но зарезьёс вамен
Ведӥн лобӟе богатырен,
Пытсам царевна куректэ,
Курень кион солы юрттэ.
Отын ачиз Баба-Яга
Гырын лобӟе, котыр берга.
Кащей куасьме зарни вылын
Ӟуч лул... Русьлэн шӧмыз отын!
Мон вал отын, мусур юи;
Отысь вож тыпыез адӟи;
Визьмо коӵыш – паймон ужъёс! –
Мыным мадиз выжыкылъёс.
Мон тодӥсько на одӥгзэ,
Калыкъёслы мадё тазэ.

Категория: Удмуртский|Udmurt | Просмотров: 1470 | Добавил: tatarinx | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]